Маҳачқалъанинг «Анжи» жамоаси устози Гаджи Гаджиев Россия чемпионати доирасидаги «Рубин»га қарши ўйин ҳақида фикр билдирди. Хабарингиз бор, учрашувда «Рубин» 5:1 ҳисобида ғалаба қозонди.

«Бу кеча «Рубин» яхши ўйнади. Улар ўз ҳаракатларини билиб қилишди. Графикдан нолишга ҳаққимиз йўқ, чунки «Рубин» ҳам биз каби еврокубокларда ўйнамоқда.

Жамоа жисомоний куч йўқотса, ҳеч нарса ўхшамайди. Ҳимояда жуда оддий ва кўп хатоларга йўл қўйдик. «Рубин» бизнинг жарима майдончамизда жуда хотиржам ҳаракат қилди. Айнан шу сабаб биз кўп гол ўтказиб юбордик.

Бу ҳолатлардан ўтишимиз керак. Умид қиламанки, ҳаммаси ўтиб кетади»,- дейди мураббий.