Мадриднинг "Реал" клуби ва Франция миллий терма жамоаси ҳужумчиси Килиан Мбаппе ўзини идеал инсон деб ҳисоблайдиганлар фикрига қўшилмаслигини билдирди.
Франциялик юлдуз ҳаёти давомида кўп марта хато қилганини ва аҳмоқона ишларга қўл урганини яширмади.
"Ҳеч кимни хафа қилмоқчи эмасман, аммо мени идеал деб ҳисоблайдиганлар телевизор кўрмайди, шекилли.
Менимча, аҳмоқона ишлар қилишим мумкинлигини жуда кўп марта кўрсатганман. Бунга оддий қарайман. Ўйлашимча, бу ҳам яхши.
Менимча, ҳеч ким инсонни телевизор орқали ҳақиқатан таниб ололмайди.
Одамларнинг ўз фикрига эга бўлишини тақиқлай олмайсан. Ҳатто уларнинг фикри баъзан нотўғри бўлса ҳам. Аммо ҳаёт шундай", — дея Мбаппенинг сўзларини Onze Mondial нашрига таяниб келтиради Actu Foot ижтимоий тармоқдаги саҳифасида.
