"Манчестер Юнайтед"нинг собиқ футболчиси Эшли Янг Антонио Контенинг жамоа бош мураббийи этиб тайинланиши салбий оқибатларга олиб келиши мумкин, деб ҳисобламоқда.
Англиялик футболчи аввалроқ "Интер"да Конте қўл остида ўйнаган ва 2020/21 йилги мавсумда у билан бирга Италия А Серияси чемпиони бўлган.
"Ҳозир "Манчестер Юнайтед" футболчиларининг майдонда қанчалик кўп югуриши ҳақида кўп гапирилмоқда.
Агар футболчилар югуришни истамаса ва жамоага Антонио Конте бош мураббий бўлиб келса, менимча, бу ҳақиқий фалокатга айланади", — деди Янг Overlap Daily дастурида.
Собиқ футболчи Контенинг машғулотларида жисмоний тайёргарликка катта эътибор қаратилганини ҳам таъкидлади.
"Менимча, айнан югуриш машғулотлари туфайли футболчилик фаолиятимни шунча узоқ давом эттира олдим. Гарчи бу ақл бовар қилмас даражада оғир бўлган бўлса ҳам.
Машғулотларимизда кўпинча 11 га 11 шаклидаги икки томонлама ўйинлар ўтказиларди. Баъзан улар зерикарли бўларди.
Учрашувлар таҳлили эса 3–4 соатгача давом этиши мумкин эди", — дея қўшимча қилди у.
Антонио Конте ўтган мавсум якунланганидан сўнг "Наполи"ни тарк этган ва ҳозирда ишсиз.
Италиялик мутахассис Неаполь клубидаги икки йиллик фаолияти давомида Италия чемпионлиги ва мамлакат Суперкубогини қўлга киритган.
Бундан аввал Конте "Челси", "Ювентус" ва "Интер" клубларини ҳам чемпионлик сари етаклаган.
