"Пари Сен-Жермен" клуби чап қанот ҳимоячиси Люка Эрнандес Чемпионлар лигасида "Барселона"га қарши ўйинда Ламин Ямалга қарши кечган қарама-қаршилик ҳақида фикр билдирди.
"Кўк-анорранглилар"нинг 19 ёшли вингери гол урди, аммо жамоасини 2:4 ҳисобидаги мағлубиятдан қутқара олмади ва матбуот томонидан жуда паст баҳо олди. Испаниялик юлдузнинг муваффақиятсиз ўйинига айнан унинг бевосита рақиби Эрнандеснинг ҳимоядаги ишончли ҳаракатлари сабаб бўлган, деб ҳисобланмоқда.
"Ямал — ажойиб футболчи. Унга қарши имкон қадар яқиндан ва тажовузкор ҳаракат қилсам, уни қийин аҳволга солишим мумкинлигини билардим", — дея Эрнандеснинг сўзларини келтиради Actu Foot.
"ПСЖ" Чемпионлар лигасининг жорий мавсумидаги учта учрашувнинг барчасида ғалаба қозонди ва умумий босқич турнир жадвалида пешқадамлик қилмоқда.
