"Ницца" ва "Тоттенхэм"нинг собиқ ярим ҳимоячиси Танги Ндомбеле Қозоннинг "Рубин" клубида кўрикдан ўтмоқда. Бу ҳақда клуб матбуот хизмати хабар берди.
"Футболчи клубимизда кўрикдан ўтади ва жамоа билан машғулотлар жараёнида иштирок этади. Шундан сўнг унинг келажаги борасида қарор қабул қилинади", — дейилади "Рубин" баёнотида.
Ндомбеле сўнгги икки йилни "Ницца" сафида ўтказди. Бу вақт давомида у 38 та учрашувда иштирок этиб, иккита гол урди ва учта голли узатмани амалга оширди.
Аввалроқ 29 ёшли француз футболчиси "Наполи", "Галатасарай", "Лион" ва бошқа клубларда ҳам тўп сурган.
Transfermarkt баҳолашига кўра, ярим ҳимоячининг бозор қиймати икки миллион еврога тенг.
