"Бавария" ҳужумчиси Харри Кейн Чемпионлар лигаси умумий босқичининг 3-турида "Арсенал"га қарши учрашувнинг энг яхши футболчиси деб топилди.
2:2 ҳисобида якунланган баҳсда 33 ёшли англиялик ҳужумчи битта гол уриб, битта голли узатмани амалга оширди.
УЕФА техник кузатувчилари Кейннинг ўйинига юқори баҳо беришди.
"У майдонни яхши кўра олиши, ўйинни тўғри тушуниши, ақлли ҳаракатлари, муҳим узатмалари ва урган голи туфайли энг яхши футболчи сифатида танланди", — дейилади мутахассислар хулосасида.
"Бавария" Чемпионлар лигаси умумий босқичи турнир жадвалида 5 очко билан 14-ўринни эгаллаб турибди. "Арсенал" эса 7 очко билан 7-поғонада жойлашган.
