«Шахтёр» бош мураббийи Арда Туран Чемпионлар лигасида «Интер»га қарши учрашувдан (0:1) кейин жамоасининг ўйинига баҳо берди.

Украина клуби рақибидан бир киши кўп бўлиб ҳаракат қилганига қарамай, ўз дарвозасидан гол ўтказиб юборди ва мағлубиятга учради.

«Айрим жиҳатларда «Интер» биздан устунроқ бўлди. «Интер» ва Кристиан Кивуни ғалаба билан табрикламоқчиман.

Катта стадионларда кучли рақибларга қарши ўйинларда янада яхшироқ ҳаракат қилишимиз керак. Биз очко олишга етарлича яхши ўйнадик, шунинг учун мағлубият аламли бўлди.

Ўйинимиздан фахрланамиз, аммо натижадан қониқа олмаймиз. Намойиш этган савиямизни ҳисобга олсак, учрашув натижаси яхшироқ бўлиши керак эди.

Айрим футболчиларимиз ўз кумирларига қарши майдонга тушишди. Бу тажриба уларнинг ўрганиши ва ривожланишига ёрдам беради», — дея Тураннинг сўзларини келтиради УЕФА расмий сайти.

«Шахтёр» Чемпионлар лигасининг навбатдаги турида «Спортинг»га қарши майдонга тушади.