«Бавария» ҳужумчиси Харри Кейн Чемпионлар лигасида «Арсенал»га қарши ўтказилган учрашувдаги (2:2) голли узатмаси ҳақида фикр билдирди.

Англиялик футболчи мазкур баҳсда Альфонсо Дэвисга голли узатма берди ва буни фаолиятидаги энг яхши пасларидан бири сифатида баҳолади.

«Бу анчадан буён ўйинимнинг ажралмас қисмига айланган. Учрашувдан олдин Дэвисга тўпни қабул қилганимда доим олдинга югуришини айтгандим.

Мен уни узатма билан топишга ҳаракат қилдим. Бу фаолиятимдаги энг яхши паслардан бири бўлди. Альфонсонинг тезлигини билганим учун у тўпга етиб боришига ишонгандим», — дея Кейннинг сўзларини келтиради Bayern & Germany.

33 ёшли ҳужумчи жорий мавсумда барча мусобақалар доирасида 11 та учрашувда майдонга тушиб, 10 та гол урди ва 7 та голли узатмани амалга оширди.

«Бавария» навбатдаги учрашувини 25 октябрь куни Бундеслиганинг 7-тури доирасида «Фрайбург»га қарши ўтказади.