Германия терма жамоаси бош мураббийи Юрген Клопп «Бавария» ҳужумчиси Харри Кейннинг Чемпионлар лигасида «Арсенал»га қарши учрашувдаги (2:2) вазифаси ҳақида фикр билдирди.
Немис мутахассиси англиялик футболчининг майдондаги жойлашуви, айниқса, жамоа тўпга эгалик қилмаётган пайтдаги ҳаракатларига тушунмаганини таъкидлади.
«Харри Кейн майдоннинг ҳамма жойида эди. Жамоа тўпга эгалик қилаётганда унинг позицияси борасида менда ҳеч қандай эътироз йўқ. Аммо тўп рақибда бўлганида...
Кейнни ҳимоянинг охирги чизиғида кўрганимда, бу чуқур ҳимоя эмас, балки ярим ҳимоядаги прессинг ҳудуди эди... Мен учун бу...
Албатта, мен футбол оламининг Рим Папаси эмасман. Ҳар ким истаган ишини қилиши мумкин. Аммо бу қарорнинг мантиғини охиригача тушуна олмадим», — деди Клопп.
Учрашувдан кейинги матбуот анжуманида «Бавария» бош мураббийи Венсан Компанидан Клоппнинг фикрларига муносабат билдириш сўралди.
«Бу ҳақда ҳеч нарса демайман. Кейинги савол», — дея қисқа жавоб қайтарди бельгиялик мутахассис.
