AS нашри журналисти Рубен Мартин Мадриднинг «Реал» клуби ярим ҳимоясини кучайтириш учун «ПСЖ» футболчиси Витиньяни муносиб номзод деб ҳисобламоқда.

Испаниялик журналист португалиялик ярим ҳимоячининг ўйинига юқори баҳо бериб, унинг Мадрид клубига катта фойда келтириши мумкинлигини таъкидлади.

«Витинья — шунчаки ақл бовар қилмас футболчи! У ўйинни ташкил қилади, ҳимояда фаол ишлайди, гол уради ва ҳал қилувчи узатмаларни ажойиб тарзда амалга оширади.

У бир футболчи қиёфасидаги бутун бошли ўйин тизими. «Реал»га анчадан буён айнан шундай ўйинчи етишмаяпти. Бироқ уни қўлга киритиш деярли имконсиз», — деди Рубен Мартин.

ОАВ маълумотларига кўра, «Реал» бош мураббийи Жозе Моуринью ҳам жамоанинг марказий ярим ҳимоя чизиғини кучайтиришни истамоқда. Португалиялик мутахассис бу борада клуб раҳбариятига аллақачон мурожаат қилган.

Айни пайтда «Реал» Испания чемпионати турнир жадвалида учинчи ўринни эгаллаб турибди. Мадридликлар пешқадам «Барселона»дан 6 очко ортда қолмоқда.