«Манчестер Сити» футболчиси Фил Фоден Чемпионлар лигасида ҳафтанинг энг яхши ўйинчиси деб топилди.
Бу ҳақда мусобақа матбуот хизмати умумий босқич учинчи тури якунлари бўйича ўтказилган овоз беришдан сўнг маълум қилди.
Мукофот учун курашда англиялик футболчи Нико Пас, Рио Нгумоа ва Скотт Мактоминейдан устун келди.
Эслатиб ўтамиз, Фоден Грециянинг АЕК жамоасига қарши ўз майдонида ўтказилган учрашувда хет-трик қайд этди. Баҳс «Манчестер Сити»нинг 5:1 ҳисобидаги ғалабаси билан якунланди. Англияликлар сафида Эллиот Андерсон ва Райан Шерки ҳам биттадан гол урди.
Уч турдан кейин «Манчестер Сити» ҳисобида олти очко мавжуд. Жамоа мусобақанинг умумий жадвалида еттинчи ўринни эгаллаб турибди.
