Испания Олий спорт кенгаши (CSD) футбол амалдорининг хатти-ҳаракатларини текширишни сўраб, Спорт маъмурий трибуналига (TAD) мурожаат қилди. Бу ҳақда AS нашри хабар бермоқда.
Текширувга Тебаснинг «Реал» клуби телеканали фаолияти усулларини Йозеф Геббельснинг тарғибот усулларига қиёслагани сабаб бўлди. Энди Ла Лига раҳбари спортнинг қадр-қимматини камситувчи оммавий хатти-ҳаракатларни тақиқловчи Испания спорт қонунчилигини бузган-бузмагани аниқланади. Тебасга нисбатан интизомий чоралар, ҳатто уни лавозимидан четлаштиришгача бўлган жазо қўлланилиши мумкин.
Амалдор аввалроқ ўзининг қиёси фақат ахборот тарқатиш усулларига тааллуқли эканини, нацистик мафкура ёки «Реал» мухлисларига алоқаси йўқлигини таъкидлаган эди.
Шу билан бирга, «Реал» клуби Ла Лига президентини истеъфога чиқариш талабини илгари сурган.
