Аргентина терма жамоасининг собиқ ҳужумчиси Лионель Месси 2022 йилги жаҳон чемпионатида қўлга киритилган ғалабани фаолиятидаги энг юксак муваффақият деб атади.
Эслатиб ўтамиз, Қатарда ўтказилган мундиал финалида Аргентина ва Франция терма жамоалари ўртасидаги учрашувнинг асосий ва қўшимча вақтлари 3:3 ҳисобида якунланган. Пенальтилар сериясида эса аргентиналиклар ғалаба қозонган.
Месси ҳал қилувчи баҳсда иккита гол уриб, жамоасининг жаҳон чемпиони бўлишига ҳисса қўшган эди.
"Жаҳон чемпионатидаги ғалаба фаолиятимнинг энг юқори чўққиси бўлди. Бу мен учун ҳатто орзумнинг ушалишидан ҳам муҳимроқ аҳамиятга эга эди.
Ўша финалда Франция дарвозасига урган голларим фаолиятимдаги энг муҳим голлар ҳисобланади. Чунки ўша лаҳзалар ва учрашувнинг мақомини инобатга олсак, уларнинг аҳамияти беқиёс", — дея Мессининг сўзларини келтиради The Touchline.
Яқинда 39 ёшли Лионель Месси Аргентина терма жамоаси сафидаги сўнгги учрашувини ўтказиб, халқаро фаолиятини якунлади.
