"Интер Майами" ҳужумчиси Лионель Месси футболчилик фаолияти давомида урган энг муҳим голлари ҳақида фикр билдирди.
Аргентиналик юлдуз жаҳон чемпионати финалидаги голлари билан бир қаторда, "Барселона" сафида Чемпионлар лигаси финаллари ва "Реал"га қарши учрашувларда киритган тўпларини ҳам алоҳида қадрлашини таъкидлади.
"Жаҳон чемпионати финалида урган голларим фаолиятимдаги энг муҳимларидан бири бўлган. Чунки уларнинг аҳамияти, ўша воқеа ва учрашувнинг кўлами жуда катта эди.
Шунингдек, "Барселона" сафида Чемпионлар лигаси финалларида ва "Реал"га қарши "Эл-класико" учрашувларида урган голларимни ҳам жуда қадрлайман", — дея Мессининг сўзларини келтиради The Touchline.
Эслатиб ўтамиз, 2022 йилги жаҳон чемпионати финалида Месси Франция дарвозасига иккита гол урган эди. Аргентина ва Франция ўртасидаги баҳс 3:3 ҳисобида якунланган, пенальтилар сериясида эса жанубий америкаликлар ғалаба қозонган.
Лионель Месси октябрь ойида Аргентина миллий терма жамоаси сафидаги сўнгги учрашувини ўтказди.
