Мадриднинг "Реал" клуби ва Испания терма жамоаси собиқ ҳимоячиси Серхио Рамос фаолиятини "Хетафе"да давом эттириши мумкин.
Cadena SER нашри маълумотига кўра, Испания клуби тажрибали футболчини қишки трансферлар ойнасида эркин агент сифатида ўз сафига қўшиб олишга қизиқиш билдирмоқда.
Ҳатто "Хетафе" президенти Рамоснинг вакиллари билан шахсан боғланиб, эҳтимолий трансфер масаласини муҳокама қилган.
Бироқ келишувнинг амалга ошишига иккита жиддий омил тўсқинлик қилиши мумкин. Биринчиси — ҳимоячининг юқори маош талаблари, иккинчиси эса жамоа таркибида марказий ҳимоячилар сони етарлича кўплиги.
Қолаверса, "Хетафе" бош мураббийи Хосе Бордалас таркибнинг бошқа позицияларини кучайтиришни афзал кўрмоқда.
