Мисрлик ҳужумчи Муҳаммад Салоҳ янги жамоаси — Туркиянинг “Трабзонспор” клуби сафида гол уриш ва голли узатмаларни амалга оширишда давом этмоқда.

Пайшанба оқшомида “Трабзонспор” УЕФА Конференциялар лигаси доирасида “Хартс”ни қабул қилмоқда. Қора денгиз соҳили жамоаси мисрлик футболчининг голи эвазига ҳисобни очди ва биринчи бўлимдан сўнг 1:0 ҳисобида олдинда бормоқда.

Салоҳ “Трабзонспор” сафида кетма-кет учинчи расмий ўйинда гол урди. Шунингдек, у сўнгги бешта учрашувнинг фақат биттасида рақиб дарвозасини ишғол эта олмади.

Голли ҳаракатлар борасида эса Салоҳнинг натижаси янада эътиборга молик: у сўнгги бешта ўйиннинг ҳар бирида гол ёки голли узатма орқали жамоаси натижасига ҳисса қўшди.

Қайд этиш жоизки, Салоҳ “Трабзонспор” сафида ўтказган сўнгги саккизта учрашувнинг фақат биттасида голли ҳаракатни амалга ошира олмаган.