13 октябрь куни Чемпионлар лигасининг илк турида «Викинг» Мюнхеннинг «Бавария» клуби билан кутилмаган 3:3 ҳисобидаги дуранг натижа қайд этди.
Учрашув давомида «Викинг» 2:0 ҳисобида олдинда бораётган эди, бироқ Харри Кейннинг дубли ва Луис Диаснинг голи «Бавария»га ҳисобни тенглаштириш имконини берди.
Бироқ 73-дақиқада баҳсларга сабаб бўлган ҳолат юз берди. Тактик қоидабузарлик учун аввалроқ сариқ карточка олган Майкл Олисе тўпни хорватиялик Златко Трипичнинг юзига отди. Натижада у иккинчи бор огоҳлантирилди ва майдондан четлатилди. Учрашувдан кейин болқонлик футболчи бундай қарордан мамнунлигини яширмаган эди. Аммо ҳозирда у ўзига нисбатан таъқиблардан шикоят қилмоқда.
«Менимча, ҳозирда исмимдан доимий равишда фойдаланишмоқда. Мени гўё Олисенинг оёғини синдирган, даҳшатли инсон бўлган одамдек кўрсатишяпти.
Норвегия оммавий ахборот воситалари ҳам воқеанинг шу тарзда талқин қилинишига ҳисса қўшмоқда», — дея шикоят қилди Трипич.
