Португалиялик собиқ футболчи Луиш Фигу Жозе Моуриньо ўз вақтида "Барселона"ни муваффақиятли бошқариши мумкин бўлганини таъкидлади.
Фигунинг фикрича, португалиялик мутахассис каталонияликлар бош мураббийи бўлиш учун зарур билим ва фазилатларга эга эди.
"Моуриньонинг номзоди Гвардиола тайинланишидан олдин ҳам муҳокама қилинган. Демак, клуб раҳбарияти унда жамоани бошқариш учун керакли сифатларни кўрган.
Эҳтимол, биз бирга ишлаган даврда унга ҳали тажриба етишмагандир. Аммо кейинчалик эришган ютуқларини ҳисобга олсак, у "Барселона" учун яхши мураббий бўлиши мумкин эди.
Моуриньода бунинг учун барча зарур билим ва фазилатлар бор эди. У клуб тизимида ишлаган, унинг фалсафасини тушунган ва жамоа таркибини яхши билган", — дея Фигунинг сўзларини келтиради Mundo Deportivo нашри.
Эслатиб ўтамиз, Луиш Фигу "Барселона" шарафини ҳимоя қилган йилларда Жозе Моуриньо каталонияликлар мураббийлар штабида фаолият юритган.
Айни пайтда португалиялик мутахассис Мадриднинг "Реал" клубини бошқармоқда.
