Мадриднинг "Реал" клуби ярим ҳимоячиси Орельен Тчуамени жамоадоши Федерико Вальверде билан ўртасида келишмовчилик юзага келгани ҳақидаги хабарларга муносабат билдирди.
Франциялик футболчининг таъкидлашича, "Реал" атрофидаги ҳар қандай кичик воқеа оммавий ахборот воситаларида ҳаддан ташқари бўрттириб кўрсатилади.
"Ягона муаммо шундаки, гап "Реал" ҳақида кетганда, матбуот ҳар қандай майда воқеани ақл бовар қилмас даражада катталаштириб юборади.
Аслида муаммо бўлмаган вазият ҳам муаммога айланади. Менинг Феде билан ҳеч қандай келишмовчилигим йўқ. На кийиниш хонасида, на футбол майдонида. Ҳаёт давом этади", — деди Тчуамени The Bridge нашрига берган интервьюсида.
Эслатиб ўтамиз, жорий йил май ойида ОАВда Тчуамени ва Вальверде "Реал"нинг кийиниш хонасида муштлашиб кетгани ҳақида хабарлар тарқалган эди.
Кейинчалик ҳар икки футболчи ҳам бу маълумотни рад этиб, ўрталарида муштлашув эмас, балки кичик тортишув юз берганини билдирган.
Маълумот учун, Жозе Моуриньо бошқараётган "Реал" 25 октябрь куни Испания чемпионатининг 10-тури доирасида сафарда "Барселона"га қарши майдонга тушади.
