Португалия футболи афсонаси Луиш Фигу «Реал» ва «Барселона» ўртасида футболчиларнинг бир клубдан иккинчисига ўтиши бугунги кунда деярли имконсиз эканини таъкидлади.
Эслатиб ўтамиз, 2000 йилда Фигу «Барселона»дан «Реал»га 62 миллион евро эвазига ўтганди. Бу ўша давр учун жаҳон футболидаги рекорд трансфер суммаси ҳисобланган.
«Айниқса, мен билан содир бўлган воқеалардан кейин «Реал»дан «Барселона»га ёки аксинча трансфер амалга ошишини кутиш қийин. Ҳозир футболчиларнинг шартномаларида белгиланаётган товон пуллари ақл бовар қилмас даражада юқори. Бу рақамларни тасаввур қилишнинг ўзи мушкул.
Бундай трансферни мутлақо имконсиз деб бўлмайди. Бироқ ушбу икки клубдан бирортаси бундай катта харажатни кўтара олишига ишониш қийин. Масалан, айни пайтда «Барселона» трансферлар учун бунчалик улкан маблағ сарфлаш имкониятига эга эмас.
Менимча, ҳозирги шароитда бундай келишувни амалга ошириш ниҳоятда мураккаб», — деди Фигу.
