Аргентина терма жамоасининг собиқ ҳужумчиси Лионель Месси 2026 йилги жаҳон чемпионати финалида Испанияга қарши ўйинда қўшимча вақтда қабул қилиб олинган 0:1 ҳисобидаги мағлубият ҳақида ўз фикрларини билдирди.
«Футболда ғалаба қозониш жуда қийин. Шунинг учун фақат натижани эмас, балки унга эришиш йўлидаги жараённи ҳам қадрлаш керак. Чунки якунда фақат битта жамоа ғолиб бўлади.
Биз Испанияга қарши финалда ҳам, 2014 йилда Бразилияда бўлиб ўтган жаҳон чемпионатининг Германияга қарши ҳал қилувчи ўйинида ҳам шундай вазиятни бошдан кечирганмиз.
Айнан шу сабабли рақобатбардош бўлиш ва ғалаба учун қўлингдан келган барча ишни қилиш муҳим. Ҳатто якунда ғалаба қозона олмасанг ҳам, бу ҳаракатларинг беҳуда кетганини англатмайди.
Энг муҳими, сўнгги дақиқаларгача курашиш ва натижадан қатъи назар, майдонда бор кучингни берганингдан қониқиш ҳосил қилишдир», — деди Месси.
Эслатиб ўтамиз, айни пайтда «Интер Майами» шарафини ҳимоя қилаётган аргентиналик юлдуз 6 октябрь куни миллий терма жамоа сафидаги хайрлашув учрашувини ўтказган эди.
