«Барселона» ярим ҳимоячиси Родри Эрнандес қисқа вақт ичида жамоанинг муҳим футболчиларидан бирига айланди. Испаниялик футболчи нафақат майдонда, балки кийиниш хонасида ҳам катта обрў қозонган.
Catalunya Radio маълумотига кўра, 30 ёшли ярим ҳимоячи сардорлик боғичини тақмаса-да, жамоадошлари орасидаги нуфузи сардор Рафинья Диасникидан кам эмас. Футболни чуқур тушуниши ва тактик тафаккури билан ажралиб турадиган Родрининг фикрларига бутун жамоа қулоқ тутади.
Қайд этилишича, клуб ичида айримлар Родрини ҳатто бош мураббий Ханс-Дитер Фликнинг «ёрдамчиси» деб ҳисоблашмоқда. Бунга испаниялик футболчининг немис мутахассиси билан мунтазам равишда тактик масалаларни муҳокама қилиши сабаб бўлмоқда.
Эслатиб ўтамиз, «Барселона» Родрини жорий йилнинг август ойида «Манчестер Сити»дан трансфер қилган эди.
