Италиялик таниқли мураббий Фабио Капелло «Интер»нинг Чемпионлар лигасида «Шахтёр»га қарши ўйинига баҳо берди.

Миланликлар мусобақа умумий босқичининг 3-турида ўз майдонида Украина клубини 1:0 ҳисобида мағлуб этди. Бироқ Капелло ғалабага қарамасдан, «нерадзуррилар»нинг ўйинидан қониқиш ҳосил қилмади.

«Интер» учрашувни жуда суст бошлади. Жамоа паст суръатда ҳаракат қилди, прессинг қўлламади ва биринчи бўлимда рақиб дарвозаси томон фақат битта аниқ зарба йўллади.

Майдонда кучсиз «Интер»ни кўрдим. Жамоа 60-дақиқагача жуда суст ҳаракат қилди.

Уларни доимо учинчи узатмада ҳаракатланиб, фақат сафар охирида бешинчи узатмага ўтадиган автомобилга қиёслаш мумкин», — деди Капелло.

Эслатиб ўтамиз, «Интер» ҳимоячи Алессандро Бастонининг майдондан четлатилиши сабаб учрашувни бир киши кам бўлиб давом эттирганига қарамай, якунда ғалабани қўлга киритди.