Ўзбекистон Суперлигасининг 25-туридан ўрин олган "Пахтакор" ва "Нефтчи" ўртасидаги марказий учрашув статистикаси эълон қилинди.
Тошкентда бўлиб ўтган баҳсда фарғоналиклар 3:1 ҳисобида зафар қучган бўлса-да, ўйиннинг аксарият статистик кўрсаткичларида мезбонлар устунлик қилди.
Хусусан, "Пахтакор" тўпга эгалик қилиш бўйича 59 фоизлик натижа қайд этди. "Нефтчи"да эса бу кўрсаткич 41 фоизни ташкил қилди.
Зарбалар сонида ҳам тошкентликлар устун бўлди — 14:7. Шулардан "Пахтакор"нинг 8 та, "Нефтчи"нинг эса 5 та зарбаси дарвозага аниқ йўналтирилган.
Кутилган голлар (xG) кўрсаткичи мезбонларда 2,05, меҳмонларда 1,90 ни ташкил этди. Шунингдек, "Пахтакор" 11 та калит пас берган бўлса, фарғоналиклар ҳисобида 6 та шундай узатма қайд этилди.
Бурчак зарбаларида ҳам катта фарқ кузатилди — 7:1. Паслар аниқлиги бўйича "Пахтакор" 73 фоиз, "Нефтчи" эса 68 фоизлик натижа кўрсатди.
Шунга қарамай, меҳмонлар яратилган имкониятлардан самаралироқ фойдаланиб, чемпионлик пойгасида муҳим ғалабани қўлга киритди.
Суперлига. 25-тур
"Пахтакор" – "Нефтчи" – 1:3
Учрашув статистикаси:
| Кўрсаткич | "Пахтакор" | "Нефтчи" |
|---|---|---|
| Кутилган голлар (xG) | 2,05 | 1,90 |
| Тўп назорати | 59% | 41% |
| Зарбалар | 14 | 7 |
| Аниқ зарбалар | 8 | 5 |
| Паслар аниқлиги | 73% | 68% |
| Қоидабузарликлар | 9 | 13 |
| Калит паслар | 11 | 6 |
| Бурчак зарбалари | 7 | 1 |
| Офсайдлар | 1 | 1 |
Эслатиб ўтамиз, мазкур ғалабадан сўнг "Нефтчи" 58 очко билан Суперлига турнир жадвалида пешқадамлик қилмоқда. "Пахтакор" эса 53 очко билан иккинчи ўринда бормоқда.
