«КПР» устози Ҳарри Реднапп Англия футбол иттифоқини танқид қилди. Хабарингиз бор, ўтган йили АФ терма жамоа бош мураббийлигига уни эмас Рой Ходжсонни танлаган эди.
«АФ мураббий танлашда адашди. Улар қайси клуби бошқаришган? Улар нимани билишлари мумкин? Ўзлари ўйнаятаётган футболчилар билан суҳбатлашишадими?
Терма жамоани Ходжсон ёки мен бошқаришим керак демоқчи эмасман. Шунчаки федерация тепасида футболдан бехабар инсонлар ўтиришибди.
Мураббийни ҳам айнан улар танлашади. Кўпчилик мени терма жамоа бош мураббийлигига ягона номзод деб кўрсатган эди. Руни, Жеррард, Терри ва Фердинанд каби футболчилар мен бош мураббий бўлсам хурсанд бўлишлари ҳақида менга хат ёзишганди. Лекин улар Ходжсонни танлашди. Бу улар учун анча қулай номзод эди.
Агар мен терма жамоага бош мураббий бўлганимда Брендан Роджерсни ёрдамчи қилиб олардим Унинг «Суонси»сида футболчилар худди Беккенбауэр каби тўп узатишарди.
2012 йил 1 апрелда «Тоттенҳэм» унинг «Суонси»сига қарши ўйнади ва ўйиндан олдин мени терма жамога бош мураббий этиб тайинлашса, уни ўз ёрдамчим қилиб олишимни айтдим. У бунга рози бўлганди»,- дейди мураббий.
