Станислав Лоботка «Наполи» сафидаги 250-ўйинини ўтказиш арафасида турибди. Бугун у жамоа сафида "Рома"га қарши баҳсда майдонга тушиши мумкин.
Словакиялик ярим ҳимоячи неаполликлар жамоасида йиллар давомида тўп тепиб, унинг муҳим футболчиларидан бирига айланди.
Энди у «адзуррилар» сафидаги навбатдаги шахсий ютуғини нишонлашга тайёрланмоқда.
Лоботка 2020 йил январь ойида «Сельта»дан «Наполи»га кўчиб ўтганидан буён катта тараққиёт йўлини босиб ўтди.
Дастлабки мураккаб даврни енгиб ўтиб, жамоанинг тактик тизимида муҳим ўрин тутадиган футболчига айланди.
