«Ал-Иттиҳод» ярим ҳимоячиси Жоржиньо Вейналдум Саудия Арабистони чемпионатида клуб сафидаги илк голини урди.
Нидерландиялик футболчи 11-тур доирасида «Ал-Дирия»га қарши кечган ва жамоасининг 2:0 ҳисобидаги ғалабаси билан якунланган учрашувда рақиб дарвозасини ишғол қилди.
Вейналдум 77-дақиқада пенальтини аниқ амалга ошириб, учрашувдаги якуний ҳисобни ўрнатди. 35 ёшли ярим ҳимоячи учун бу «Ал-Иттиҳод» сафида Саудия Про-лигасининг жорий мавсумидаги биринчи гол бўлди.
Футболчи ўтган ёзда «Ал-Иттифоқ» билан шартномаси якунланганидан сўнг эркин агент сифатида янги жамоага ўтган эди. Вейналдум бундан олдин Саудия Арабистони чемпионатидаги сўнгги голини 2026 йил 9 май куни, собиқ жамоаси «Ал-Иттифоқ»нинг «Ал-Халиж» устидан 5:0 ҳисобидаги йирик ғалабаси чоғида урганди.
