Италия терма жамоаси устози Чезаро Пранделли «Рома» ҳужумчиси Франческо Тоттининг терма жамоага қайтиши мумкинлигини таъкидлади.
«Тотти ва Кассано каби талантлар доим менинг диққат марказимда. Биз Франческонинг ҳолатини жаҳон чемпионатига бир ой қолганида кузатамиз.
Ҳозирги Тотти етакчи эга бўлиши керак бўлган барча хусусиятларни ўзида жамлаган. У билан жаҳон чемпионатида иштирок этиши ҳақида гаплашганим йўқ ва мусобақа бошланишига 8 ой қолганида бундан фойда йўқ деб ўйлайман.
Энг асосийси, жаҳон чемпионатига яхши спорт формасида бўлган 22 соғлом футболчи боради. Жисмоний ҳолат ҳал қилувчи омил бўлади»,- дейди мураббий.
