Лондоннинг "Арсенал" клуби раҳбарияти жамоа дарвозабони Давид Райянинг Испания чемпионатида ўйнаш истаги ҳақидаги яқиндаги баёнотига муносабат билдирди.
Teamtalk нашри хабар беришича, "канонирлар" дарвозабон билан яхшиланган шартлар асосида янги шартнома тузиш бўйича музокараларни бошлашга қарор қилган. Лондон клуби испаниялик дарвозабонни камида яна икки мавсум жамоада сақлаб қолишни режалаштирмоқда.
31 ёшли Райянинг "Арсенал" билан амалдаги шартномаси 2028 йил июнь ойининг охирида тугайди. Унинг бозор қиймати 30 миллион евро деб баҳоланмоқда.
Англия Премьер-лигасининг жорий мавсумида Давид саккизта учрашувда майдонга тушиб, ўз дарвозасидан бешта гол ўтказиб юборди.
