Винисиуснинг манфаатларини ҳимоя қилувчи агент Майкл Йормарк футболчи ёзда "Реал"дан кетиш имкониятини кўриб чиққанини маълум қилди.
Вакилнинг таъкидлашича, вингер "Арсенал"га ўтиш ҳақида ўйлаган. Менежер лондонликлар футболчини ўз сафига қўшиб олишни жуда қаттиқ истаганини тушунтирди.
"У "Арсенал" таклифини жиддий кўриб чиқдими? Албатта, ҳа. "Арсенал" каби жамоа сизни катта ҳурмат билан кутиб олиб, ўзингизни ҳақиқатан ҳам керакли инсондай ҳис қилишингизга имкон берса, табиийки, бундай таклифга қулоқ тутишга тўғри келади. Аммо Винисиус бутун фаолиятини "Реал"да ўтказишни хоҳлайди", — деб Йормаркнинг сўзларини келтиради The Touchline.
Винисиус ёзда "Реал" билан меҳнат шартномасини қайта имзолади. Бироқ футболчида бошқа вариант ҳам бор эди. Бразилиялик Англияга йўл олиши мумкин эди. Вингерга "Арсенал" қизиқиш билдирган.
