Германия терма жамоасининг собиқ футболчиси Лотар Маттеус Харри Кейннинг Мюнхен клубига ўтганидан кейин қандай ўзгаргани ҳақида фикр билдирди.
"Кейн учун "Бавария"га ўтиш жуда муҳим эди. У совринлар ютишни истарди ва бунга эришди. Ўша пайтда у ўзига: “Агар “Бавария”га ўтсам, “Олтин тўп”ни қўлга киритаман”, деган деб ўйламайман. Албатта, амбицияли футболчи учун бу ҳам мақсадлардан бири. Аммо Мюнхенда Кейн ўзини янгидан кашф этди.
У “Тоттенхэм”дан ўтганида, барча унинг гол ура олишини биларди. Бироқ бу ерда унинг жамоавий ўйинда нақадар кучли экани ва майдонда яна қандай фазилатларга эга эканини ҳали тасаввур қилишмасди», — деди Маттеус.
