Мюнхеннинг «Бавария» клуби жорий мавсумда ҳали бирор марта мағлубиятга учрамаган Европадаги ягона жамоа бўлиб қолди. Аввалроқ Венсан Компани шогирдлари Бундеслиганинг 7-турида «Фрайбург»ни 3:1 ҳисобида мағлуб этишди.
«Мағлубият нималигини билмаймиз. Биз Европада бу мавсумда ҳали бирор марта мағлубиятга учрамаган ягона жамоамиз», — дея муносабат билдирилди «Бавария» матбуот хизмати томонидан ижтимоий тармоқдаги Х саҳифасида.
Мюнхенликлар жорий мавсумда барча мусобақалар доирасида ўтказган 12 та учрашувнинг 8 тасида ғалаба қозонишди ва 4 марта дуранг қайд этишди. 28 октябрь куни жамоа Германия Кубоги доирасида «Магдебург»га қарши майдонга тушади.
Айни пайтда «Бавария» Бундеслига турнир жадвалида 7 та учрашувдан кейин 17 очко жамғарган ҳолда пешқадамлик қилмоқда. Дортмунднинг «Боруссия» клуби ҳам шунча очко тўплаган ва иккинчи ўринда бормоқда.
