Мадриднинг "Реал" клубида собиқ ҳимоячи бўлган, ҳозирда эса "Хетафе" шарафини ҳимоя қилаётган Даниэль Карвахаль Килиан Мбаппенинг ўйинига қойил қолганини билдирди.

"Қаймоқранглилар"нинг француз ҳужумчиси яқинда бўлиб ўтган "Эль-класико" қаҳрамонига айланди ва дубль қайд этди. Учрашув мадридликларнинг 2:1 ҳисобидаги ғалабаси билан якунланди.

"Мбаппе — ҳайвон, у бир неча кун олдинги "Эль-класико"да ақлбовар қилмас даражада ўйнади. Аслида, унга қарши "Барселона"дан яхшироқ ҳимояланишнинг иложи йўқ эди. Кубарси бир неча марта унинг йўлини тўсди, ундан ушлаб қолишга уринди, аммо у барибир ўтиб кетаверди. Килиан ҳимоячилар ёнидан чопқиллаб ўтиб кетади. Маҳорат ҳақида гапирадиган бўлсак, у мен кўрган футболчилар орасидаги энг кучлилардан бири. Барча даврлар бўйича", — дея Карвахальнинг сўзларини келтиради Madrid Zone.

Килиан Мбаппе жорий мавсумда барча мусобақаларда 13 та ўйинда 14 та гол урди.