"Барселона"нинг қанот ҳимоячиси Хави Эспарт жароҳати ҳақидаги хабарларга муносабат билдирди. Текширувлар 19 ёшли футболчининг тўпиғидан жиддий жароҳат олганини кўрсатди. Унинг тикланиши тахминан етти ҳафта давом этади.
"Мағлубиятдан кейин ўзимни бўшаб қолгандек ҳис қиляпман. Хаёлимдаги ягона фикр — имкон қадар тезроқ ва янада кучлироқ бўлиб қайтиш. Улар бизни тўхтата олмайди", — деб ёзди Эспарт ижтимоий тармоқлардаги постида.
Эслатиб ўтамиз, "кўк-анорранглилар"нинг Мадриднинг "Реал"ига қарши ўз майдонидаги учрашуви якшанба куни бўлиб ўтди ва 1:2 ҳисобидаги мағлубият билан якунланди.
Ҳанс-Дитер Флик жамоаси ҳали ҳам Ла Лигада пешқадамлик қилмоқда, аммо "Реал"дан атиги уч очкога, "Атлетико"дан эса икки очкога олдинда.
