Лондоннинг "Челси" клуби "Брайтон" ярим ҳимоячиси Ясин Аярини ўз сафига қўшиб олиш имкониятини кўриб чиқмоқда. Бу ҳақда TEAMtalk нашри хабар берди.
Манбага кўра, 23 ёшли швециялик футболчининг "Брайтон" билан янги шартнома борасида олиб бораётган музокаралари боши берк кўчага кириб қолган. "Челси" эса ушбу вазиятдан фойдаланиб, Аярини ўз таркибига жалб этишни режалаштирмоқда.
Бироқ лондонликлар футболчига қизиқиш билдираётган ягона клуб эмас. "Милан", "Галатасарой", "Фенербахче" ҳамда Англия Премьер-лигасининг яна бир нечта жамоаси ҳам Аярининг ҳолатини диққат билан кузатмоқда.
Шу билан бирга, "Брайтон" ўз ярим ҳимоячисини қўйиб юбориш ниятида эмас ва у билан ҳамкорликни давом эттиришни истамоқда. Клуб швециялик футболчининг трансфер қийматини тахминан 50 миллион еврога баҳоламоқда.
Ясин Аяри жорий мавсум барча мусобақалар доирасида 12 та учрашувда майдонга тушиб, 2 та гол муаллифи бўлди.
