"Манчестер Юнайтед"нинг собиқ ярим ҳимоячиси Пол Скоулз жамоа сардори Бруну Фернандешнинг Чемпионлар лигасидаги мағлубиятдан кейин билдирган фикрларини кескин танқид қилди.
Португалиялик футболчи "Комо"га қарши омадсиз кечган учрашувдан сўнг "қизил иблислар"нинг тактик ёндашувини нотўғри деб баҳолаганди. Бу эса Скоулзнинг жиддий эътирозига сабаб бўлди.
"Фернандеш ҳаддидан ошди. Бундай гапларни айтишга йўл қўйиб бўлмайди. Шундан кейин у қандай қилиб жамоа сардори бўлиб қолиши мумкин? Унинг Европани тарк этиб, Саудия Арабистонида ўйнаш вақти келди. Бундай баёнотлардан кейин қайсидир мураббий унга ишонишига шубҳам бор", — дея Скоулзнинг сўзларини келтиради Daily Mail.
Эслатиб ўтамиз, "Манчестер Юнайтед" Чемпионлар лигаси умумий босқичи доирасида Италиянинг "Комо" клубига сафарда 1:4 ҳисобида мағлуб бўлган.
Манчестерликлар навбатдаги учрашувини Англия Премьер-лигаси доирасида Лондоннинг "Челси" жамоасига қарши ўтказади.
