"Арсенал" бош мураббийи Арсен Венгер жамоанинг бу мавсум Чемпионлар лигасида ғолиб чиқиш имкониятларини баҳолади.

"Арсенал"ни эндигина қабул қилиб олган пайтларимда таҳминан 3-4 жамоа Чемпионлар лигаси ғолиблиги учун даъво қиларди. Ҳозирча эса бу совринни ютмоқчи бўлганлар сони 10га яқин. Аммо ҳозир октябр, ҳали ким финалга қадар етиб боришини айтиб бўлмайди.

Албатта, "Манчестер Сити"ни мағлуб жтган "Бавария"нинг ажойиб ўйинини мен ҳам алоҳида таъкидламоқчиман. Ўйинни кўрдим, ўргандим. Хулосам шуки, "Бавария" мен учун - мусобақанинг бош фаворити.

Мадриднинг "Атлетико"си ҳам эътиборимни тортяпти. "Атлетико" мен учун - ўтган йилги Дортмунднинг "Боруссия"си. Ҳа, мадридликлар таркибидан Фалькао кетди. Шунингдек, уларнинг ҳимоясида муайян муаммолар бор. Аммо яхши дарвозабон, яримҳимоячиларга эга ва биргалашиб яхши ўйнашяпти", - деди Венгер Eurosport`га берган интервьюси чоғида.