«Галатасарой»нинг 21 ёшли ярим ҳимоячиси Алексей Батраков Европанинг 10 та клуби эътиборига тушди.

NTV Spor нашрининг Sözcü'га таяниб хабар беришича, футболчига «ПСЖ», «Ливерпуль», «Арсенал», «Манчестер Сити», «Челси», «Манчестер Юнайтед», «Ньюкасл», «Тоттенхэм», «Брайтон» ва «Монако» қизиқиш билдирмоқда.

Скаутлар Батраковнинг майдонни кўра билиши, аниқ узатмалари ва ҳужумдаги самарадорлигини юқори баҳоламоқда.

«Ливерпуль» вакиллари 3 ноябрь куни Чемпионлар лигасида ўтадиган «Галатасарой» — «Штутгарт» учрашувини кузатиш учун клуб раҳбариятидан алоҳида ложа ажратишни сўраган.

Батраковнинг шартномасидаги товон пули 55 миллион еврони ташкил этади. Футболчи сотилса, «Галатасарой» трансфер суммасининг 15 фоизини «Локомотив»га тўлаши шарт.

Жорий мавсумда Батраков Туркия чемпионатида 7 та ўйинда 2 та ассист, Чемпионлар лигасида эса 3 та баҳсда 2 та гол қайд этди.