«Монако»нинг 20 ёшли ҳужумчиси Парис Бруннер Европанинг бир қатор йирик клублари эътиборига тушди.
Инсайдер Экрем Конурнинг хабар беришича, «Челси» скаутлари монегаскларнинг сўнгги учрашувини стадиондан кузатиб, ёш футболчининг ҳаракатларини баҳолаган.
Бруннерга «Арсенал», «Тоттенхэм», «Барселона», «ПСЖ» ва «Бавария» ҳам қизиқиш билдирмоқда.
«Монако» қишки трансфер ойнасида футболчи бўйича музокараларга тайёр. Француз клуби уни тўлиқ сотиш ёки 2026/2027 йилги мавсум охиригача ижарага бериш вариантларини кўриб чиқиши мумкин.
Бруннернинг трансфер қиймати 15 миллион еврони ташкил этади. Унинг шартномаси 2028 йил июнь ойи охиригача амал қилади.
