Япония футбол ассоциацияси вице-президенти, миллий терма жамоанинг собиқ бош мураббийи Такеши Окада истеъфога чиқди.
Федерация маълумотига кўра, 70 ёшли мутахассис 24 октябрь куни лавозимини тарк этган. Бу ҳақдаги расмий хабар эса 28 октябрда эълон қилинди.
Окада ўз баёнотида «Спорт олижаноб бўлиши керак», дея шахсий тамойилларига урғу берган.
Истеъфо ФИФА бошқаруви атрофидаги келишмовчиликлар кучайган бир пайтга тўғри келди. Аввалроқ ОФК президенти Шайх Салмон бин Иброҳим Ал Халифа Жанни Инфантинонинг қайта сайланишини қўллаб-қувватлаган эди. Шу билан бирга, ОФК илгари ФИФАнинг йирик турнирлар тижорий фаолиятига хусусий сармоядорларни жалб этиш таклифини танқид қилган.
Бироқ Окада ўз баёнотида Инфантинони тилга олмаган ва истеъфосининг аниқ сабабини очиқламаган.
Эслатиб ўтамиз, Такеши Окада Япония терма жамоасини 1998 ва 2010 йилги жаҳон чемпионатларида бошқарган. Унинг қўл остида японлар ЖЧ-2010да 1/8 финалгача етиб борган.
