Франция футбол федерацияси президенти Филипп Диалло Килиан Мбаппенинг Хитой билан боғлиқ можаросига муносабат билдириб, футболчини ҳимоя қилди.
Аввалроқ «Реал» ҳужумчиси Хитойнинг собиқ раҳбари Мао Цзэдун қиёфасида тасвирланган мем унга жуда кулгили туюлганини айтган эди.
Бу гаплар Хитойда кескин норозиликка сабаб бўлди. Мамлакатнинг бир нечта компанияси Мбаппе билан ҳамкорликни тўхтатди, Испания чемпионати ўйинлари трансляцияси эса вақтинча тўхтатилди. Футболчи ва «Реал»нинг узр сўраши ҳам вазиятни тўлиқ юмшата олмади.
«Мен бу можарони кузатдим ва муносабатлар бироз ҳаддан ташқари кучайиб кетди, деб ўйлайман. Килиан Хитой раҳбарининг обрўсига путур етказишни ёки Хитой халқини ҳақорат қилишни истаган, деб ҳисобламайман.
Умид қиламанки, бу баҳс узоққа чўзилмайди», — деди Диалло Ouest-France нашрига.
