Бруну Фернандеш «Манчестер Юнайтед» сардори бўлиб қолади. Бу ҳақда жамоа бош мураббийи Майкл Кэррик маълум қилди.
Аввалги келишмовчиликларга қарамай, мураббий португалиялик футболчига ишонч билдиришда давом этмоқда.
«Биз жамоа ва клуб ҳозир қандай вазиятда эканини яхши тушунамиз. Бруну биз учун муҳим футболчи. У аввал ҳам шундай эди ва келажакда ҳам шундай бўлиб қолади. Вазиятни яхшилаш учун биргаликда ҳаракат қилишимиз керак.
У клубга тўлиқ содиқ ва мавжуд ҳолатни ўзгартиришни истайди. Ҳеч нарса ўзгаргани йўқ. У кўп йиллар давомида жамоани ажойиб бошқариб келди ва бундан кейин ҳам шундай қилишда давом этади», — дея Кэррикнинг сўзларини BBC келтирмоқда.
