«Манчестер Юнайтед» бош мураббийи Майкл Кэррик ҳужумчи Беньямин Шешконинг соғлиғи ҳақида маълумот берди. Словениялик футболчи сентябрь ойининг ўрталаридан буён майдонга тушмаяпти.
«Афсуски, Шешко сафдан чиқди. Ҳозирча унинг қанча муддатгача ўйнай олмаслигини аниқ билмаймиз, аммо бу анча узоқ давом этиши мумкин. Бу муайян жараён бўлиб, уни босиб ўтиш керак. Тикланиш давомида футболчининг организми қандай реакция кўрсатаётганини кузатиб, кейинги қадамларни белгилаймиз. Бу борада иш олиб боряпмиз.
Бенжаминнинг ўзига ачинаман. У бошидан кечирган барча қийинчиликларни ҳисобга олсак, яна майдонга туша олмаслиги унга жиддий зарба бўлди.
Унинг имкони борича тезроқ сафга қайтиши учун қўлимиздан келган барча ишни қиламиз», — деди Кэррик матбуот анжуманида.
