Дортмунднинг "Боруссия" клуби бош мураббийи Нико Ковач "Бавария" ҳужумчиси Гарри Кейннинг "Олтин тўп"ни қўлга киритишига муносабат билдирди.
"Кейн ҳақида ортиқча гапиришга ҳожат йўқ. Унинг "Олтин тўп"ни қўлга киритгани ҳаммасини кўрсатиб турибди.
У бу совринни сотиб олмаган ва унга шунчаки тақдим этишмаган. Кейн Германияга келганидан буён жуда кўп меҳнат қилди.
У Англияда ҳам юқори савияли футболчи эди. Аммо бу ёшда янада ўсишга эришиш — ҳайратланарли натижа. Бу унинг қанчалик кучли ва маҳоратли эканини кўрсатади.
Кейнни яккама-якка ҳаракат қилиб тўхтата олмаймиз. Доим таъкидлаганимдек, унга қарши жамоавий ҳаракат қилишимиз керак", — деди Ковач.
"Бавария" ва "Боруссия" 31 октябрь куни Бундеслиганинг 8-турида ўзаро тўқнаш келади.
Айни пайтда ҳар икки жамоа ҳисобида 17 очкодан бор. "Бавария" тўплар нисбати бўйича устунликка эга (+19 га қарши +8) ва турнир жадвалида пешқадамлик қилмоқда.
