"Манчестер Юнайтед"нинг собиқ ҳимоячиси Гари Невилл клуб эгалари — Глейзерлар оиласини кескин танқид қилиб, уларни клубни сотишга чақирди.

"Клубнинг 1,2 миллиард фунт қарзи бор. Улар маълум маънода қўл-оёғи боғланган ҳолатда. Сўнгги 15 йилда футболчилар учун 1,4 миллиард фунт сарфлашди. Бу борада фақат "Манчестер Сити" улардан олдинда.

Энди клубни сотишлари керак. Кечирасиз, вақти келди.

Улар футбол билан боғлиқ бошқарувни INEOSга топширишди. Бу компания уч йилдан бери қийинчиликларга дуч келмоқда ва жорий мавсум ҳам оғир ўтадиганга ўхшаяпти.

Глейзерлар оиласи Америкада, Тампада жуда машҳур. Эшитишимча, улар NFLнинг ҳар бир ўйинига боришади, аммо сўнгги 20 йилдан ортиқ вақт давомида "Олд Траффорд"да деярли кўриниш беришмади.

Стадионга бир тийин ҳам сарфламадингиз, энди эса уни қуриш учун 2 миллиард фунт қарз олмоқчисиз. Буни қандай амалга оширишингиз ҳам номаълум.

Жамоа 13–14 йилдан бери майдонда муваффақиятсизликка учрамоқда. Сиз эса масъулиятни бошқаларга юкладингиз.

Бас, етар! Улар бутун клубни сотиши керак. Мухлислар чарчади. Глейзерларнинг кетиш вақти келди", — деди Невилл Stick to Football подкастида.