Германиянинг "Бавария" клуби бош мураббийи ёрдамчиси Аарон Дэнкс Бундеслиганинг 8-туридан ўрин олган Дортмунднинг "Боруссия"сига қарши бўлажак учрашув ҳақида фикр билдирди. Баҳс 31 октябрь куни бўлиб ўтади.
"Мануэль Нойер учун бу ўйин ҳали эрта — у ҳамон оёғида оғриқ ҳис қилмоқда. Йозуа Киммих иккита индивидуал машғулот ўтказди, бугун эса биринчи марта умумий гуруҳда шуғулланади. Шундан сўнг унинг ҳолатига баҳо берамиз.
Бу бутун дунё кузатадиган муҳим ўйин. Бугун тактикага эътибор қаратамиз ва ҳар бир футболчига майдонда нима қилиши кераклигини тушунтирамиз. Жиддий ўзгаришлар бўлмайди. Биз ўйинга тайёрмиз", — дея Дэнкснинг сўзларини "Бавария" матбуот хизмати Х ижтимоий тармоғида келтирмоқда.
