«Челси» ва «Манчестер Юнайтед» Гана пойтахти Аккрада ўтказилаётган Future Talent Tournament мусобақасига ўз скаутларини юборди.
Cadena SER нашрининг хабар беришича, турнирда «Бенфика», «Спортинг», «Палмейрас», «Флуминенсе», «Бетис» ва «Реал Мурсия» клублари вакиллари ҳам ёш футболчиларни кузатмоқда.
Айниқса, «Реал Мурсия» африкалик истеъдодларни ўз академиясига жалб қилишдан манфаатдор. Клубнинг бир қатор ёш тарбияланувчилари аллақачон асосий жамоага жалб этила бошлаган.
Ҳозирча клублар айнан қайси футболчиларга қизиқиш билдираётгани маълум эмас. Мусобақа скаутларга келажакдаги юлдузларни эрта аниқлаш имконини бермоқда.
