La Repubblica нашрининг хабар беришича, бош мураббий Женнаро Гаттузо пенальти ижрочилари рўйхатини ўзгартирмоқчи. 2024 йилда Чиро Иммобиле жамоани тарк этганидан бери асосий пенальти ижрочиси бўлиб келган Закканьи сўнгги учта уринишнинг иккитасида хатога йўл қўйгани сабабли бу вазифадан четлатилиши мумкин.
Нашр маълумотига кўра, энди асосий номзод — нидерландиялик яримҳимоячи Кеннет Тейлор. У «Сассуоло»га қарши учрашувда пенальтилар белгиланган пайтда майдонда бўлмаган. Гаттузо уни биринчи бўлимда сариқ карточка олгани сабабли алмаштирган эди.
Таъкидлаш жоиз, Тейлор фаолияти давомида 16 та пенальтининг 14 тасини аниқ амалга оширган. У ўтган мавсумда Италия кубоги чорак финалида «Болонья»га қарши пенальтилар сериясида ҳал қилувчи зарбани муваффақиятли ижро этган. Шунингдек, «Аталанта»га қарши ярим финал сериясида ҳам гол уриб, жамоасининг финалга чиқишига ҳисса қўшган.
