«Барселона» президенти Сандро Россел жамоанинг собиқ устози Хосеп Гвардиола билан ўзаро муносабатлари ҳақида фикр билдирди.

«Мен Nike фирмасида ишлаётганимда у билан илк марта учрашган эдик. Ўшанда мен 29, у эса 23 ёшда эди. Биз у билан ҳомийлик шартномасини тузгандик ва ҳамон алоқаларимиз яхши.

Албатта ўртамизда иш сабаб кичик муаммолар бўлган. Лекин ҳамма ҳам буни тушунавермайди.

Баъзилар бизнинг орамизга совуқчилик туширмоқчи бўлишган. Ҳамон  у билан яхши муносабатдамиз. Бизнинг муносабатларимиз тахминан яхши кўриш ва ёмон кўриш орасида»,- дейди Россел.