«Милан»нинг португалиялик футболчиси Диогу Морейра ўзининг футболдаги энг катта кумири деб биладиган Криштиану Роналду ҳақидаги фикрлари билан ўртоқлашди.
«У менинг энг асосий кумирим. Роналду — энг яхшиси, у ҳар томонлама мен учун илҳом манбаи ҳисобланади. Мен айнан унга ўхшашни истардим, ҳатто соч турмагимни ҳам унга тақлид қилиб танламоқчи бўлардим. Унинг изидан боришга интилганман. Мен учун Роналду футболнинг ҳақиқий тимсоли, энг севимли футболчимдир.
Ундан чексиз миннатдорман. У шунчаки ақл бовар қилмас даражадаги футболчи. Бу ҳақда гапиришга ҳатто сўз топа олмайман.
Бугун унинг ўйинларини кузатар эканман, кўп йиллар аввалги каби ҳаяжонни ҳис қиламан. У 40 ёшдан ошган бўлса-да, ҳануз гол уришда давом этмоқда», — дея Морейранинг сўзларини келтирмоқда pianetamilan.it нашри.
